Traduction - Bruno Doucey

Indian-avank/Enfant-castor

Ur wazh menez

a dreuze gwennojenn ma bugaleaj

lammat a rae e zour

diouzh ar c'hleuz

oc'h astenn seiz glaz ar geot gantañ

E fin ar goañv e vourbouilhe an dour dindan ar skorn

evel ma kan ur barzh e-barzh ur yezh estren

o c'hortoz e oan anezhañ

Erru an hañv e tiskuilhe ma gwazh

daroù-raz bras gwennet evel eskern

tu e cheñche ar c'hortozadenn

An daouarn soubet advlazoù e gorf

e tennen ar mein

e raklen an douar

e kleuzen ar bosoù

e saven ur stankenn

evit ma ganje ur stêr adarre gant kreñvder ma divrec'h

N'o deus ket ma zud gouiet james

e oan deuet da vezañ kantread ur ganienn bell

bugel-avank un draonienn veuzet dindan an dourioù

Hiziv eo bet lazhet gant an asfalt

ar wennojenn

aet eo an dour en e souch

evel ul loen

Kouskoude e choman Indian gerioù ma bugaleaj

O redek emañ an dour e-barzh ma noz ha distreiñ a ran

gwazhioù menez c'hoazh

da glevet an amzer o skeiñ ouzh ma falvioù.